ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯ ಬೆಂಗಳೂರು ಕೇಂದ್ರೀಯ ವಿಭಾಗದ ವತಿಯಿಂದ ಸಾರ್ವಜನಿಕ ಪ್ರಯಾಣಿಕರ ಅನುಕೂಲಕ್ಕಾಗಿ ಬೆಂಗಳೂರು-ವರದಹಳ್ಳಿ-ವರದಮೂಲ-ಇಕ್ಕೇರಿ-ಕೆಳದಿ-ಜೋಗ ಜಲಪಾತ ಪ್ಯಾಕೇಜ್ ಟೂರ್ ವ್ಯವಸ್ಥೆ ಕಲ್ಪಿಸಿದೆ.
ರಾಜಹಂಸ, ನಾನ್ ಎಸಿ ಸ್ಲೀಪರ್ , ಬೆಂಗಳೂರು-ಚಿತ್ರದುರ್ಗ-ವಾಣಿವಿಲಾಸ ಸಾಗರ ಪ್ಯಾಕೇಜ್ ಟೂರನ್ನು ರಾಜಹಂಸ ವಾಹನಗಳೊಂದಿಗೆ ಹಾಗೂ ಬೆಂಗಳೂರು-ಸಿಂಗದೂರು ಚೌಡೇಶ್ವರಿ-ಜೋಗ ಜಲಪಾತ ಪ್ಯಾಕೇಜ್ ಟೂರನ್ನು ಐರಾವತ ಕ್ಲಬ್ ಕ್ಲಾಸ್ ವಾಹನದೊಂದಿಗೆ ಜುಲೈ 30 ರಿಂದ ಆರಂಭಿಸಲಿದೆ.
ಬೆಂಗಳೂರು-ಜೋಗ ಜಲಪಾತ ಪ್ಯಾಕೇಜ್ ಟೂರ್ ಸಾರಿಗೆಯ ಪ್ರಯಾಣದರ ವಯಸ್ಕ ಪ್ರಯಾಣಿಕರಿಗೆ ನಾನ್ ಎಸಿ ಸ್ಲೀಪರ್ನಲ್ಲಿ . 2200 ಹಾಗೂ ಮಕ್ಕಳಿಗೆ (12 ರಿಂದ 12 ವರ್ಷದ ಒಳಗಿನವರಿಗೆ), 200 ರಾಜಹಂಸದಲ್ಲಿ ವಯಸ್ಕರಿಗೆ 1900 ಮಕ್ಕಳಿಗೆ (6 ರಿಂದ 12 ವರ್ಷದ ಒಳಗಿನವರಿಗೆ), 1700 ಬೆಂಗಳೂರು-ಸಿಗಂಧೂರು- ಜೋಗ ಜಲಪಾತ ಪ್ಯಾಕೇಜ್ ಟೂರ್ ಸಾರಿಗೆಯ ಪ್ರಯಾಣದರ ಐರಾವತ ಕ್ಲಬ್ ಕ್ಲಾಸ್ನಲ್ಲಿ ವಯಸ್ಕರಿಗೆ 2500 ಹಾಗೂ ಮಕ್ಕಳಿಗೆ (6 ರಿಂದ 12 ವರ್ಷದ ಒಳಗಿನವರಿಗೆ), 2300 ಆಗಿದೆ.
ಬೆಂಗಳೂರು- ಚಿತ್ರದುರ್ಗ- ವಾಣಿವಿಲಾಸ ಸಾಗರ ಪ್ಯಾಕೇಜ್ ಟೂರ್ ಸಾರಿಗೆಯ ಪ್ರಯಾಣದರ ವಾರಾಂತ್ಯ ದಿನ (ಶುಕ್ರವಾರ ಹಾಗೂ ಶನಿವಾರ ಹೊರಡುವ ಸಾರಿಗೆಗಳಿಗೆ) ವಯಸ್ಕರಿಗೆ 1000 (ರೂ.250/- ಬೆಳಗಿನ ಉಪಹಾರ, ಮಧ್ಯಾಹ್ನದ ಊಟ & ಗೈಡ್ ಒಳಗೊಂಡಂತೆ) ಹಾಗೂ ಮಕ್ಕಳಿಗೆ (6 ರಿಂದ 12 ವರ್ಷದ ಒಳಗಿನವರಿಗೆ), 800 (ರೂ.250/- ಬೆಳಗಿನ ಉಪಹಾರ, ಮಧ್ಯಾಹ್ನದ ಊಟ ಮತ್ತು ಗೈಡ್ ಒಳಗೊಂಡಂತೆ) ಇರುತ್ತದೆ ಎಂದು ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಕೆ.ಎಸ್.ಆರ್.ಟಿ.ಸಿ ಇವರು ತಿಳಿಸಿದ್ದಾರೆ.